【收數公司話你知】
後生仔唔好做「債仔」
法律七大「鞭」你隨時被鞭中
依家香港嘅法律已經廢除咗「錢債監」，而破產期只有4年。加上社會對破產嘅態度唔再係以前咁有羞恥感，所以債奴嘅情況愈嚴重，令人好擔心。因為債款係「複利」，利息疊利息，債務咁快就會越攏越大！
其實呢，大家花錢應該要節制，抵抗物質誘惑，做個有原則嘅人，唔係債多到變咗債奴。法律上，債務人會面對以下嘅煎熬：
「法律七大鞭」
1. 破產（破產期間，債仔所有收入由破產管理人去處理）
2. 第三債務人的命令（例如充公銀行存款）
3. 扣押債務人財產令或簡稱財物扣押令（即法院執達吏去到你辦公或居住的地方，查封你的資產）
4. 出境禁制令（你不清還欠債時，不容許離開香港）
5. 押記令（例如扣押你的房產）
6. 盤問令（法院傳召債仔到法院，接受盤問）
7. 分期付款令（法院命令你分期付款，清還欠債）
喺自由社會入面，商人只要唔犯法，可以無道德，鼓勵人過度消費或者超額借貸，誰都管唔到佢。
正所謂「冇人拎住支槍逼你借」，年輕人要好好學識「精乖」，別到處亂借貸，被吸血鬼吸住，最後都係自己一身屁股債，到時可以怪誰呢？
最近有個債務調查搞出嚟，話香港有近三成年輕人有債，平均每個人欠債$37,000；而啲仲未還完學生貸款嘅年輕人就有20萬以上。
造成呢個情況嘅原因有好多。一方面係因為香港有很多私人貸款公司，加上信用卡好普及，令情況更加嚴重。唔少人「卡疊卡」，不停申請新卡嚟還舊卡嘅債。有啲年輕人月入$15,000至$20,000，但信用額度高達$200,000，變咗「債奴」。呢啲情況真係令人擔憂。
我阿叔80年代入行做懲教，佢同我講當時仲有「錢債監」呢回事。如果你欠咗親朋戚友、銀行、財務公司甚至係政府錢，佢地可以申請一個「錢債監禁令」去法院，讓你被關起嚟。通常係早上6、7點嘅時候，趁你仲係屋企訓覺，律師同執達員會上門，撬門而入，逮捕你，然後送你去荔枝角嘅羈留中心。呢啲情況當時好常見。見到債仔「入冊」時，家人哭哭啼啼的場面，覺得好殘忍，被人捉去坐「錢債監」。不過，這「錢債監」的懲罰好有效，通常債仔「入冊」後的一個月內，他的家人都會四處張羅，想盡辦法還清債項，把債仔「贖回」出獄。
當時嘅破產法同而家唔同，唔係咁寬鬆（而家破產期只長4年，期間債務人唔洗繳償任何欠債，等於係重新開始）。而當時，除非法院頒令終止破產，否則一個人嘅破產期係永久嘅，一世都係破產。
聽落黎，80年代嗰啲嚴苛嘅法律好可怕，但係都有效防止年輕人變咗「債奴」。雖然當時信用卡開始普及，我記得第一間喺香港發卡嘅公司係American Express（美國運通），但係大部分人都怕負債，唔太想申請信用卡。